වර්ෂා බාධා මධ්‍යයේ මලල ක්‍රීඩා තේරීම් තරග ඊයේ උදෑසනින් නිමා වෙයි

අයහපත් කාලගුණය හේතුවෙන් දිගින් දිගටම බාධා එල්ල වූ මලල ක්‍රීඩා තේරීම් තරගාවලිය ඊයේ උදෑසන සාර්ථකව අවසන් කිරීමට සංවිධායකයින් පියවර ගෙන තිබේ. 

මෙම තරගාවලිය දියගම මහින්ද රාජපක්ෂ ක්‍රීඩාංගණයේදී පැවැත්විණි.

මෙම තේරීම් තරගාවලිය මුලින් සැලසුම් කර තිබුණේ පසුගිය 13, 14 සහ 15 යන දින තුන පුරා පැවැත්වීමටය. 

එහෙත් කාලගුණික බලපෑම් මත එය පහත පරිදි වෙනස් විය,

* පළමු දිනය (13 වැනිදා): ඇදහැළුණු අධික වර්ෂාව හේතුවෙන් එදින පැවැත්වීමට තිබූ සියලුම තරග අත්හැර දැමීමට සිදු විය.

* දෙවන දිනය (14 වැනිදා): එදින ද පැවති අයහපත් කාලගුණය නිසා පැවැත්වීමට හැකි වූයේ තරග කිහිපයක් පමණක් වන අතර බහුතරයක් තරග අවලංගු කෙරුණි.

දිගින් දිගටම ඇති වූ ප්‍රමාදයන් හමුවේ ඉතිරි වූ තරග සියල්ල ඊයේ උදෑසන කාලය තුළදී පවත්වා නිම කිරීමට කටයුතු යොදා තිබුණි.

මෙලෙස ප්‍රමාද වූ ධාවන තරග රැසක්ම ඊයේ උදෑසන කාලසටහනට ඇතුළත් කරමින් තරගාවලිය සාර්ථකව නිමවා ඇත.